«Калбак чогаалды өөредириниң аргалары»

Сорулгазы: Тыва чогаал эртеминге уругларның сонуургалын бедидери, чечен чогаал номчулгазынга уругларны чаңчыктырары.

Угланыышкыны: Башкылаашкын ажылында янзы-бүрү чаа технологияларны өөренири. Чаа дээштиг аргаларны ажылынга ажыглаары. Уругларның эртемге сонуургалын бедидери.

Кол идеязы: Чаа технологияларга даянып тургаш, дидактиктиг материалдарны (даяныр конспектилер, тестилер, технологтуг карталар) тургузуп тургаш, чогаал кичээлдерин уругларның сонуургалын бедидери- биле ажыглаары.

Кол даап бодаашкын: Уругларның эртемге сонуургалын чүгле: Деңнелиниң аайы-биле дүгжүр ажылдарны кылдыртып турганда; Кичээлдерге янзы-бүрү материалдарны ажыглап турганда; Уруг бүрүзү-биле тускай ажыл тургустунганда чедип алыр.

Чедип алыр механизми: Башкының кичээлге эки белеткели. Кичээлдер болгаш класстан дашкаар ажылдар үези.

Түңнели: Уругларның билиг деңнелиниң хыналдалары. Өөредилге-кижизидилге талазы-биле алган түңнелдерниң анализи.

Манаар ужурлуг түңнелдер: Уругларның эртемге сонуургалы бедиир. Класстан дашкаар ажылдарга идепкейи көдүрлүр. Өөредилге деңнели экижир.

Кол угланыышкын: Тыва чогаал эртеминге янзы- бүрү дидактиктиг материалдарның чыындызын чырыкче үндүрери класстарга калбак чогаалды өөредириниң медотиктиг сүмелерин парлалгаже белеткээри.

Проектиниң эрттирериниң чадалары: Эртемге хамаарышкан янзы-бүрү материалдарны өөренири болгаш тургузары. Көргүзүг материалдарының чыындызын тургузары, өөредилге- методиктиг номнар чыылдазы. Кылдынган ажылдарны чырыдары. Ажылдың түңнелдерин көрүп тургаш, уламчылаар аргаларны көөрү.

Проектиниң киржикчилери: Ажылдың түңнелдерин өөренип көөрү-биле кожууннуң тыва дыл болгаш чогаал башкыларын хаара тудары. Тываның күрүне Университединиң тыва чогаал кафедразының башкылары-биле сырый харылзаа тудары.

Онзагай чүүлдери: Өөреникчилерниң бот- башкарылгазын бедитпишаан, номчулгага сонуургалын көдүрери.