Ишлеген муаллимлер: Вагьитова Мадинат Дакъаевна ва Зайналова Маданият Рукмитдиновна.

Дарсны темасы: « Игит аналар.»

Дарсны мурады: Яшланы аналагъа бакъгъан сюювюн артдырмакъ, аналаны абурлатдырмакъ, сыйлатдырмакъ, оланы оьр этдирмек.

Эпиграф: АНАЛАГЪА АБУР ЭТМЕК СЫЙ ЭТМЕК, ГЬАР ЗАМАНДА АНАЛАНЫ ОЬР ЭТМЕК. (Мадинат Дакъаевна)

Дарсны юрюшю: 1)Къурум мюгьлет. 2)Теманы, дарсны мурадларын,эпиграфны ачыкъ этив. 3)Гиришив сёз.(муаллим) 4)Янгы дарсны англатыв(игит ананы яшав ёлу) 5)Шиърулар. 6)Сочинение. 7)Айтывлар ва аталар сёзлери. 4)Беклешдирив. 5)Къыйматлав.

ГИРИШИВ СЁЗ: Аявлу аналар бизге бек герек Ана да яшларсыз бутакъсыз терек Магъа анамдай бирев де болмас Анасыз уьюбюз шатлыкъдан толмас. Ананы хатирин къалдырмас бирёв Яшлары анагъа болсунлар тирёв Бу дюнья анасыз боп-бош болажакъ Анасы болмаса етим къалажакъ. Буссагьт айтыгъыз, сиз, яшлар магъа Ким къыйнай ананы азиз юрегин Мен сагъа айтаман, тынгла сен магъа Яшавда ана чы сени герегинг. Аналар кёп къыйын тёге балагъа Балалар аявлу азиз анагъа Аявлу яшлар, этмегиз хата Ою булан ана къайгъыгъа бата. Уллу да болгъанман, мен де анаман Анам оьлгенли етим къалгъанман Мени азиз анам сени излеймен Сен гелер гюнлени гьар гюн гёзлеймен. Сен тарыкълы гюнлер магъа кёп бола Къыйналып ич баврум къайгъыгъа тола Гьеч бир зат этип бола бусам мен Сюер эдим янымда болгъанынгны сен. (Мадинат Дакъаевна)

Игит аналар: Гьамидова Бурлият Магьамматовна, Абдуллабекова Ильмурият Абсаламовна, Шагьманова Тажав Гьажиевна, Вагьитова Абидат Гьусеновна, Пашаева Кавсарат Абсалитдиновна, Ибрагьимова Савдат Калимоллаевна ва шолай башгъалары.

Янгы дарсны англатыв: Гьамидова Бурлият Магьамматованы -и-игит ананы яшав ёлу -г-гьакъында хабарлав.

Яшлар шиъруларын охуй. 1. Дайгумова Загьидат(Ана юрек.) 2. Дайгумова Наида( Ананы сёзю.) 3. Гьажиева Мадина(Ана.) 4. Къаранаева Мадина(Анам.) 5. Исрапилова Албаният(Анагъа алгъыш.) 6. Къаппарова Инсаният (Неге татли экен?) 7. Лапухова Гульжанат(Къарт болмай тур.) 8.Гарунова Азинат(Неге татли экен?) 9.Умаева Алжанат 10.

Анагъа багъышлангъан сочинениеси охула.

Айтывлар ва аталар сёзлери. 1 Ата-анагъа сый этмеген сыйдан тюшер. 2 Адамны адам этеген анадыр. 3 Атасы оьлген-ярты етим, анасы оьлген-герти етим. 4 Ана ургъан авуртмас. 5 Ана юрек-балада, бала юрек - гьавада. 6 Ата къардаш-мал къардаш, ана къардаш-жан къардаш. 7 Балам, атангны насигьатына тынгла, анангны тапшурувун гери урма. 8 Тынгла балам мени сёзлеримни къабул эт шо заман сени де оьмюрюнг узакъ болур.

Шу сёзлер булан жумлалар тизигиз. Аявлу анам, азиз анам, йымышыкъ къоллары, асил сёзю, арив бети, яхшы юреги, шат, пашман, къыйнала, сююне, гёзел, бавурлу, ачыкъ, йылы сёзю, сюйкюмлю, анамны кёп сюемен.

Сарын: «Анам жан анам» Аявлу анам юрегимдесен Эки гёзюмню бебейисен сен 2к Анам жан анам аривсен айдай Сени гёргенде юрегим къувнай 2к Сени булан мен оьктем боламан Сени атынгны эсге аламан 2к Анам жан анам аривсен айдай Сени гёргенде юрегим къувнай 2к Бир сенсен анам бизин англайгъан Яшларынга сен насип ёрайгъан 2к Анам жан анам аривсен айдай Сени гергенде юрегим къувнай 2к

Шу гюллени сизин аякъ тюбюгюзге яябыз, аявлу аналар!

Бурлият баживге сёз бериле.