Махмуд Къашгъарий «Дивану лугъат-ит тюрк» сёзлюгининъ эмиети.

« Дивану лугъат-ит-тюрк» эсери сенелери язылгъан. Бу эсерде тюркий сёзлернинъ маналары изаатлана. Бу эсерде XI асырда яшагъан тюркий халкълар яшайышы акъкъында малюмат топлангъан.

Меселя: бу эсерде озен, кой, шеэрлернинъ адлары ачыкълана. Этиль : Волга (Рус диярындан акъып Булгъар денъизине тёкюле. Идиль суву акъып турар Къая тюбюни къакъып турар, Бол балыкълар бакъып турар, Гольнинъ тюбю чокълашыр.

Даа сёзлер шиирий шекильде аталар сёзлери ярдымынен ачыкълангъан. Меселя: Озь сёзю-озю,кенди (сам ) «Яхшы урбанъны – озюнъе, Татлы ашны – башкъасыны, Мусафиринъни сай, урьмет эт, Шан-шерифини этрафкъа бильдирсин» Бу дертлюкте тюрк халкъынынъ мусафипервер, инсанпервер чизгилери тасвирлене.

Огют сёзю- акъыл огретмек, «Огъул, менден огют алмакъны эр вакъыт Танърыдан тиле, Улькенъде буюк инсан олып, Бильгинъни этрафкилерге огрет. Бу сатырлар тюрк халкънынъ бильгиге ынтылувыны тарифлей.

Махмуд Къашгъарий «Дивану лугъат-ит тюрк» сёзлюги пек къыйметли эсердир. XI асырда яшагъан тюрк халкъларнынъ урф- адетлери, яшайыш тарзлары ве рухий дюньясы тасвирленген.