М.А.Коноваловлэн улон сюресэз. «Куамынэти аръёсы удмурт литературае йыгмыт вамышен пыре М.А.Коновалов. Улонэз зеч тодэмез солы юрттиз соку ик бадзымесь. - презентация

1 М.А.Коноваловлэн улон сюресэз. «Куамынэти аръёсы удмурт литературае йыгмыт вамышен пыре М.А.Коновалов. Улонэз зеч тодэмез солы юрттиз соку ик бадзымесь произведениос кылдытон борды кутскыны». К.Н.Михайлов

2 Писательлэн улон сюресэз Михаил Алексеевич Коновалов вордскиз 22 мае ( 3 июне ) 1905 арын Можга районысь Акаршур гуртын куанер крестьян семьяын.

3 Акаршур – Коноваловлэн вордскем но пинал дырзэ ортчытэм гуртэз.

4 Мишалэн анаез Варвара Ивановна (бур паласез) Алексей Фёдорович но Варвара Ивановна укмыс нылпи будэтизы. Озьы ке но, соослэн огез но пиналзы курмем, кесяськем диськутэн оз ветлэ. Пичи корказы но котьку сузямын-бичамын луоз вал. Варвара Ивановна кызьы ке дыр шедьтылиз бусыын ужаны но, корка пушсэ жикытаны но, нылпиоссэ утьыны но.

5 Мишалэн атаез, Алексей Фёдорович, вань улонзэ узыръёс вылэ ужаса ортчытиз, 3 ар эксэй армиын служить кариз. Анайзы но мурт вылэ ужаса ветлиз. Озьы ке но, ноку тыр улонэз оз адзе. Кытысь бен адзод сое, писательлэн верамезъя, музъемзы бинялтон пасьта сяна ой вал бере. Семьяысь бадзымъёсыз пиос, Архип но Коля, ожыт быдэ вуыса, озьы ик кыре-буре уж утчаны потизы. Миша семьяын витетиез нылпи вал, соин ик солэн вордскемезлы нокин шумпотись оз луы. «Мултэс ым» луиз со ёрмыса улись семьялы. Миша ветлиз агайёсызлэсь кылем дас полэс кышъям диськутэн. Озьы ке но, пияш визьмо будиз, калыкен вераськыны котьку ик кулэ кыл шедьтылиз.

6 Екатерина Алексеевна – писательлэн апаез. «Миша 1913 арын дышетскыны кутске Акаршурысь начальной школаын.милемыз дышетиз Елабугаысь пономарьлэн нылыз Юлия Васильевна Казаринова. Со дышетскисьёсызлы литератураез яратон мылкыд пычатыны быгатиз. Урокъёс бырем бере, со чем лыдзылиз художественной произведениос. Пиналъёс тужгес но яратизы «Русская хрестоматия» книгаысь кылбуръёсты кылзыны. Мишалы кельшо вал Тарас Шевченколэн кылбуръёсыз. Щколаысь библиотека узыр ой вал ке но, отын вал «Тарас Бульба», «Робинзон Крузо», «Хижина дяди Тома» книгаос. Ваньзэ соосты огпол гинэ оз лыдзылы.»

7 1918 арын Михаил Коновалов апеныз чош мынэ Елабугаысь учительской семинарие. Соослы отын кема дышетскыны уг кылды. Колчаклэн армиез Кам та пала выжемен семинария ужамысь дугдэ, дышетскисьёс доразы бертоно луо.

8 1920 аре Сарпулын усьтизы удмурт дышетисьёсты дасян курсъёс. Та юртын дышетскыны кутскиз Миша Коновалов но.

9 Миша Коновалов Сарапулын дышетскыкуз. «Михаил Коновалов мугорын лапег, кольы кадь юн сильвиро вал, техникумын солэсь устозэ спортсменэз, арганчиез но маскарчиез ой ик шедьтысал. Бабылес сьод йырсиез нап будэмын, ымнырыз но киосыз толалтэ но, гужем но ыргон тусъемесь… доклад лэсьтыны яке собраниын вераськыны Миша кадь кыллы бырем мурт ой вал, дыр. Со туж быгатиз фактъёсты интыяз пыртыса яркыт возьматыны яке, серемес учырез вераса, калыкез серекъятытыны. Паймымон сэзь вал солэн йырсазез. Эшъёсыз али но шуыло: дышетскыкуз тетрадьёссэ тыро-пыдо адзылыны ик ойлась, нош зачётъёс дыръя котьку ик шонер но мур ответъёс сётылиз». И.Гаврилов

10 1920-ти арын декабрь толэзе егит пияш комсомолэ пыре. Вуоно дышетисьёс доры чем вуыло Кузебай Герд, Д.Майоров.

11 1921 ар Курсъёсты Ижевске выжто но педтехникум кылдыто, соку М.Коновалов Ижевске лыктэ. Сютэм арен йырин солэн дышетсконэз вис луэ. Удмуртиысь трос нылпиосты со аре Украинае келязы. Миша но соос полы шедиз. Вуоно араз со Украинаысь огназ Удмуртие берытске.

12 1922 ар Миша Можга педтехникумын дышетскыны кутске (Елабугаысь педтехникум со аре отчы ваемын вал). Техникумын умой ужаз удмурт литературно- творческой кружок.мукет дышетскисьёсын чош М.Коновалов но отчы ветлэ, эшъёсызлэн нырысь гожтэм ужъёсынызы тодматске, ачиз но куд-ог кылбуръёс но пичиесь зарисовкаос гожъяны кутске.

13 1926 ар Михаил Алексеевич Ижевскын педтехникумлэсь берпум курссэ йылпумъя. Собере ужаны кутске Можга городысь удмурт школаын. « 1926 арын М.А.Коноваловлэн кичолтэмезъя Можга городын удмурт школа кылдытэмын вал. Нырысети араз витети класс гинэ усьтиськиз, куамын дышетскись вал. Соосты но ми асьмеос люкано луим. Лыктизы гуртъёсысь ньыль классэз быдтэмъёс. Дышетим ми чошен гинэ. Соин ик предметъёсмес шори люким: обществознаниез, зуч но удмурт кылэз но литератураез нуиз Коновалов, кылемъёссэ - мон.урокъёссэ со капчиен гинэ туж валамон вералляз». Е.И.Ефимова, Коноваловен чош ужам дышетись.

14 Можга районысь Бадзым Кибья школа арын татын ужаз М.А.Коновалов.

15 Михаил Алексеевичен чош та аръёсы ик отын дышетиз мукетыз тодмо удмурт писатель, М.Коноваловлэн эшез, Григорий Медведев.

16 1929 арын М.А.Коновалов ужаз Бадзым Уча школаын. Татын пыре Коммунистической партие. Коноваловъёслэн семьяязы, Михаил сяна, дышетись луизы Архип, Екатерина, Ольга, но Галина. Екатерина Алексеевна Можга педучилищеын 30 ар дышетиз удмурт кыллы но литературалы. Солы Удмурт АССР- ысь заслуженной дышетисез дано ним сётэмын. Нош Анна Алексеевна – врач.

17 1931 арын «Удмурт коммуна» газетлэн редакцияз ужа арын 23 апреле кылдэ Удмуртиысь писательёслэн оргкомитетсы, солэн председателез луэ М.Коновалов арын Кедра Митреен, Г.Медведевен чош советской писательёслэн Нырысети Всесоюзной съездазы делегат вал но А.М.Горький доры приёме ветлиз.

18 1937 арын май толэзе М.Коноваловез арестовать каро, националист но мукет ярлыкъёс лякыса. Лагерьын дыръяз, ултиямзылы но жугемзылы чидатэк, 9 мае 1938 арын со ачиз ассэ быдтэ. Туж вакчи вал улон сюресэз тодмо удмурт прозаиклэн. Берло гинэ, 1956 арын, 19 ар ортчыса, М.Коновалов реабилитировать каремын вал, солэн нокыче но преступлениез оволтэмен.