Бурабай

Бурабай - Көкше өлкесіндегі ғажайып мекен Табиғат ананың өзі жасаған гранит мүсіндерінде де бір құпия тартылыс күші бар. Одан сәл қашықтап қиялыңызға қанат бітіріп көріңізші, тасқа «Жан» біткенін сезген болар едіңіз. Бурабай өлкесінде материалдық мәдени ескерткіштер жоқ.Алайда табиғат өз күшімен тауларды жаратып, терең шұңқырларды көгілдір көлдерімен толтырып, маңайна қарағайлар мен қайындарды өсіріп бұл мекенді не бір таң ғажайып өлкеге айналдырды.Ертеде қазіргі ағаш- ормандарының орнында теңіз болған екен.Ал жерді мұз басқан кезде тау – жаратылу процесінен теңіз жоқ болып кетті де, оның орнына қазіргі тандағы ландшавт пайда болды. Күн шуақарының желдің және жаңбырдың әсерінен таулар көркемдікке бөленді.

Бұл таудың келбеті бір жағынан бойжеткенді, екінші жағынан кейуананы бейнелейді.

Бұл аймаққа денсаулығын түзету мен демалу мақсатымен жыл сайын Қазақстанның түкпір-түкпірінен, сондай-ақ, алыс және жақын шетелден демалушылар келеді. Бурабайдың балшығы мен минералды суы емдік қасиетке бай.

Бурабай демалыс орны тұрғысында 1810 жылдан мәлім бола бастаған жылы қымызбен емдеу – сауықтыру орны ашылған жылдан мемлекеттік маңызы бар демалыс орнына айналған. Тәуелсіз ел болғалы, іргесіне Астана келгелі Бурабай көлінің, мұндағы демалыс орындарының маңызы бұрынғыдан да арта түскен. Жақсы жол салынып, демалыс үйлері жақсартылып, қызмет көрсету жағдайы жақсартылған.