Гемиде «Къалын ве индже созукъ сеслер» мевзусында дерс - сеяат М А КЪ С А Т талебелерге янъы мевзуны анълатув; къалын ве индже созукъ сеслерни догъру тиляфуз. - презентация

1 Гемиде «Къалын ве индже созукъ сеслер» мевзусында дерс - сеяат М А КЪ С А Т талебелерге янъы мевзуны анълатув; къалын ве индже созукъ сеслерни догъру тиляфуз этмесине огретюв; ана тилине, Ватангъа севги ашлав; интерактив усулларыны ишлетюв.

2 Теклиф Биз бугунь достумызны къыдырмагъа кетеджекмиз. Кетмек ичюн биз геми журналларыны толдурмакъ керекмиз. Журналларынъызны (дефтеринъизни) ачынъыз. Геми сеяаткъа чыкъкъан кунюни язынъыз. Кеттик!

3 Биринджи ада – ТАПМАДЖАЛАР Келинъиз харитагъа бакъайыкъ. Тапмаджаларгъа догъру джевап берсек, достумызны бу одада бельки тапармыз. Джевапларыны дефтеринъизге язынъыз. Созукъ ве тутукъ сеслерни бельгиле- нъиз. Бир ерде атеш яна, Бутюн ерни къыздыра. Эр кесни бакъа, Озю исе ач ята. Акъ кепек чевре-четке сепиле. Аягъы ёкъ – къача, Къанаты ёкъ – уча. Гедже бакъсам - кок толгъан, Саба бакъсам – ёкъ олгъан.

4 Экинджи ада - ДЖУМЛЕЧИК 1.Беден тербие дакъкъасы. Келинъиз гульдесте джыяйыкъ. Замбакъ, гуль, пападие, хашхаш, эрылгъан, акъбардакъ, ляле - олды балабан гульдесте. 2.Лугъат иши Замбакъ - лилия гуль - роза пападие - ромашка хашхаш – мак эрылгъан – сирень акъбардакъ – подснежник ляле - тюльпан 3. Вазифе. Лугъат ишинде расткельген сёзлернен джумлелер тизмек.

5 Невбеттеки ада - Сеслер Дерс мевзусы Дерсликнен иш. Къаиделерни окъув, 92 с. Созукъ сеслер къалын ве индже олалар. Къалын сеслерни теляффуз эткенде, тилимиз арткъа чекиле, агъызымыз кенъ ачыла. Индже сеслерни теляффуз эткенде, агъызымыз тар я да орта кенъликте ачыла, тилимиз исе огге, тишлер таба чекиле. 198-ишни беджерюв, 93 с.

6 Дёртюнджи ада - Пекитюв Тест 1.Тек къалын созукъ сеслернен язылгъан сёзлерни къайд этинъиз: а) талебе; б) араба; в) пенджере; г) къалем. 2.Тек индже созукъ сеслернен язылгъан сёзлерни къайд этинъиз: а)ана; б) рале; в) терек; г) бина. 3. Ё арифнен язылгъан сёзлерни косьтеринъиз: а) ч..ль; б) с..з;; в) д..ст; г) к..рьмек. 4. Догъру джевапны бельгиленъиз. Сильмек сёзюнде: а) 7 ариф, 8 сес; б) 7 ариф, 7 сес; в) 7 ариф, 7 сес. 5. Дудакълы созукъларнен кельген сёзлерни бельгиленъиз: а) акозьлюк; б) кевгир; в) тильки; г) копюр. 6. Янълыш джевапларны бельгиленъиз: а) [о] – созукъ; б) [в] – тутукъ; в) [а] – тутукъ; г) [у] – созукъ.

7 Умумийлештирюв адасы 1. Субет. Бакъынъыз, балалар, мантарларнынъ устюнде къалын ве индже созукъ сеслер бельгиленген. Айдынъыз, оларны текрарлайыкъ: Къалын созукъ сеслер - [а], [о], [у], [ы]. Индже созукъ сеслер - [и], [е], [уً], [о], [э]. 2. Къаиделерни текрарлав ишни беджерюв.

8 Нетиджелев Субет Суаллер: 1. Сиз бугунь нелер акъкъында янъы бильгилер алдынъыз? 2. Дерснинъ макъсадларына насыл ириштик? 3. Дерсте нени бегендинъиз? Баалав

9 Сагълыкълашув Бельки бизим достумыз мына шу эвде отура. - Бакъынъыз, къапы ачылды. Ким эвден чыкъа? - Достумыз. Ана достумызны таптыкъ. Энди эвге къайтайыкъ

10 Эвге вазифе Къаиделерни эзберлев, 92 с. 199-иште кроссвордны толдурмакъ.